ఏమిసేతురా మావా.

ఏమిసేతురా మావా...... ఏమీ సేతురా !

ఏమిసేతురా మావా...... ఏమీ సేతురా 

ఎద పులకించి నేను-నర్తించ బోతుంటే 

నెమలమ్మ నను జూసి -నవ్విందిరా ఓ మావా! llఏమిll

గుంభనంగా నేను- గంతులేస్తా వుంటే

లేడి పిల్ల నను జూసి- లే పొమ్మన్నదిరా మావా! llఏమిll

యాదొచ్చి నువు నాకు -ఖత్ నే రాయబోతుంటే

కంగారులో కలము పాళీ విరిగిపోయినాదిర మావా ! llఏమిll

సెరువుకాడకు నేను -తానమాడబోతుంటే

సేరువులోన సేప పిల్ల -ఛి ఫో అందిర మావా ! llఏమిll

పేమతో నేను నీకు -పేమ లేఖ రాయబోతుంటే

పేమ పావురం వచ్చి-పట్టు కెళ్ళి పోనాదిర మావా ! llఏమిll

కమ కమ్మని ఓ కవిత -నే రాయ బోతుంటే

కలువపూలు నను జూసి కన్ను గీటినాయిర మావా ! llఏమిll

గొంతెత్తి నే నొక్క -కూని రాగం తీస్త వుంటే

కోకిలమ్మేమ్మో -నన్ను కసురు కున్నాదిరా మావా ! llఏమిll

కాకి సేత నీకు -కబురంపుదామంటే

కాకేమో తన అందం -నాకు లేదన్నాదిర మావా ! llఏమిll

బువ్వ తిందామని నేను- అవ్వ కాడికి బోతే

బువ్వ నేదు గువ్వా నేదు -అని అవ్వ కసిరేసినాదిర మావా ! llఏమిll

ఒంగ తోట కాడ నిను -ఒంటరిగా కలుద్దామని వస్తే

తొంగి సూసీ నీవు -నన్నొడిసి పట్టేసినావురా మావా ! llఏమిll

25 JAN 13