తాకేను తియ్యని బాధ తనువంతా - మురిసేను కమ్మని మైకం మనసంతా

 తాకేను తియ్యని బాధ తనువంతా  - మురిసేను కమ్మని మైకం మనసంతా  ..... శ్వేత 15 Dec 2016

                                     
                                                                    

అచ్చమైన కవితలకందం - అక్షరాల అమెరిక, పదాల పొందిక

అచ్చమైన కవితలకందం  - అక్షరాల అమెరిక, పదాల పొందిక ...... శ్వేత 15 Dec 2016

నా (నేటి)మిత్రులు ........ శ్వేత

నా (నేటి)మిత్రులు ........ శ్వేత

ఎంత వింత మనుషులో నా మిత్రులు
పిలచి పలకరిస్తుంటే
ఛీ, ఫో అని కసురుకుంటారు
ఫోనుచేసి హాయ్ చెబితే
బాయ్ అని కట్ చేస్తారు

అందనంత ఎత్తు ఎదిగి
అందలమెక్కి కూర్చున్నారు
చింతలన్ని చెబుదామంటే
చిటికెడంత సమయమివ్వరు

రోజంతా బోరాయె
పలకరించ మనిషి కరువాయె
మనసుని మబ్బులు వీడవాయె
మనిషి మనుగడ మారదాయె

పలకరింపులు మనిషికి కరువాయె
పులకించే హృదయం ఎక్కడా కానరాదాయె
మనిషికి మనసే బరువాయె
ఆ బరువు తీరే దారి ఎవరికీ తెలియదాయె

మనిషి ఆనందాలన్నీ నిన్నటిలోకి జారిపోయె
అనురాగం, ఆఆప్యాయత నె(నే)టిజనులకు దూరమాయె ......  15 Dec 2016

నాలో కలిగెను మైకం.......శ్వేత

నాలో కలిగెను మైకం.......శ్వేత

ఎన్నడు తీరని దాహం

మునుపెన్నడు కలుగని మోహం

నిను చూసిన ఈ వైనం

నాలో కలిగెను మైకం ... 15 Dec 2016

Nanduri Chaitanya's Song .......... Om Namo Bhagavate Vasudevaya

Nanduri Chaitanya's Song
Om Namo Bhagavate Vasudevaya

Nanduri Chaitanya's Song Andarini Premato Palakarinchu

Nanduri Chaitanya's Song
Andarini Premato Palakarinchu

నేను మీకు తెలుసా ? ........ శ్వేత

నేను మీకు తెలుసా ? ........ శ్వేత

నేనెవరో తెలియాలంటే
ప్రశాంతంగా సాంతం చదవండి

భాష రాదు నాకు - అందరినీ పలుకరిస్తా
కళ్ళు లేవు నాకు - అందమైన ప్రకృతిని చూస్తా

చెవులు లేవు నాకు - అందరికీ వినిపిస్తా
నోరు లేదు నాకు - నా మాటనే తూటాలా పేలుస్తా

కాళ్ళు లేవు నాకు - అందరి దగ్గరకు నే వెళతా
చేతులు లేవు నాకు - అందరిచేతా రాయిస్తా

మాట రాదు నాకు - అన్ని భాషలు నే పలికి(కే)స్తా
పాట రాదు నాకు - అందరితో పాడిస్తా
అక్కున చేర్చుకున్న వారిని అందలమెక్కిస్తా

అందరిలో నేనుంటా
అందరిచేతా భావాలొలికిస్తా

ఉరకలువేసే హృదిలో నేనుంటా
మరులుగొలిపే మదిలో నేనుంటా

బావల భావాల్లో నేనుంటా
భామల ఊహల్లో నేనుంటా

అక్షరాల అమరికలో నేనుంటా
పదాల పొందికలో నేనుంటా
కలాల కదలికలో నేనుంటా

ఆకతాయిల ఆలోచనల్లో నేనుంటా
ఆవేశపూరిత అక్షరాల్లో నేనుంటా

ప్రేమికుల హృదయాలలో నేనుంటా
విరాగుల గీతికల్లో నేనుంటా

పండితుల పదాల్లో నేనుంటా
పామరుల గుండెల్లో నేనుంటా

అందరిలో నేనుంటా
అందరినీ స్నేహంగా కలుపుతుంటా

నన్నుచూసి మురుస్తారు కొందరు
నన్నుచూసి ఏడుస్తారు మరికొందరు

ఇంతకీ నేనెవరో తెలిసిందా ?
నేనేనండీ మీ మనోభావాలకి మరో రూపాన్ని
మీ  అందమైన ....... "కవిత"ని  ............ 14 Dec 2016

శ్వేత .... డీ డిక్కుం

శ్వేత .... డీ డిక్కుం

టీపొడి కొందామని
మేడపైనుండి దిగివచ్చి
గేటు గడియ తీసుకొని

వేడివేడిగా వీచే గాలిలో
వడివడిగా తడబడి అడుగులేస్తూ వెళుతుంటే

గిజిగాడు బీడీ కాల్చుకుంటూ ఎదురొచ్చాడు
బడి వైపు దారిలో పోతుంటే కోడి అడ్డొచ్చింది
పైడిమాంబ గుడివద్ద
బోడిగుండు బాబూరావు పళ్ళికిలించి పలకరించాడు

ఊరి నడిబొడ్డున
నాడి లేని జనాలకి..... ఈరిగాడు
గారడీలెన్నో  చేసి చూపిస్తున్నాడు

ఒడిలో పసిపాపతో వస్తున్న మాఅక్కను చూసి
 డాడీ ఇచ్చిన డబ్బులతో సోంపాపిడి అక్కా - నేను కొనుక్కొని
అమ్మ చెప్పిన టీపొడి తీసుకొని ఇంటికి చేరి

బడిలో చెప్పిన పాఠాలు
చావడిలో కూర్చుని బుద్ధిగ చదువుకుని
మా ఊరి గుడి వద్ద స్నేహితులని
బుడిబుడి అడుగులు వేసే పిల్లలందరినీ తీసుకుపోయి
ఏటి ఒడ్డున అందరం కలసి ఆడుకుంటున్నాము......... 11 Dec 2016

ఛందో కవిత

ఛందో కవిత ........శ్వేత

నజభజజజర అంటూ నవ్వకు
సభరనమయవ అంటూ సరసాలాడి
మసజసతతగ అంటూ మత్తెక్కించకు

రసజజభర అంటూ రాగాలు తీసి
భరనభభరవ అంటూ బాధపెట్టకు

సభరసజజగ అంటూ అంటూ సరిగమలు పలికించి
భభభభభభభగ అంటూ భయపెట్టకు

ననమయయ అంటూ నకరాలుపోకు
యమాతరాజభానస అంటూ బుద్దిగా ఛందస్సు నేర్చుకో....11 Dec 2016

ఏ వజ్రమూ పనికిరాదు మదిని విరచ(కోయ)టానికి - ఒక్క మాట తప్ప

ఏ వజ్రమూ పనికిరాదు మదిని విరచ(కోయ)టానికి - ఒక్క నీ మాట తప్ప ..శ్వేత-22 Dec 2016

అద్దానికి అసూయెందుకో - నా అందాన్ని అందంగా చూపటానికి

అద్దానికి అసూయెందుకో - నా అందాన్ని అందంగా చూపటానికి ... శ్వేత 11 Dec 2016

నా తలుపులని తడిపేస్తున్నాయి ----నీ ఊహలు ఝడి వానలా కురిసి

నా తలుపులని తడిపేస్తున్నాయి ----నీ ఊహలు ఝడి వానలా కురిసి ..... శ్వేత 11 Dec 2016

అందమైన కవిత అమరటం లేదు - అక్షరాలకి అభ్యంగన స్నానం చేయించినా

అందమైన కవిత అమరటం లేదు - అక్షరాలకి అభ్యంగన స్నానం చేయించినా ..... శ్వేత 11 Dec 2016

My Children With Ducks(2)

My Children With Ducks(2) 

My Children With Ducks(1)

My Children With Ducks(1)