పాడవోయి భారతీయుడా

వెలుగు నీడలు చిత్రంలోని పాట నేటి పరిస్థితికి ప్రతీ line సరిగ్గా సరిపోతుంది మీరే చూడండి ఒకసారి

పాడవోయి భారతీయుడా
ఆడి పాడవోయి విజయగీతికా ఆ ఆ

నేడె స్వాతంత్ర్య దినం వీరుల త్యాగ ఫలం
నేడె నవోదయం నీదే ఆనందం ఓ..

స్వాతంత్ర్యం వచ్చెననీ సభలె చేసీ
సంబర పడగానే సరిపోదోయి
సాధించిన దానికి సంతృప్తిని పొందీ
అదె విజయమనుకుంటె పొరపాటోయి
ఆగకోయి భారతీయుడా
కదలి సాగవోయి ప్రగతి దారులా

ఆకాశం అందుకొనే ధరలొక వైపు
అదుపు లేని నిరుద్యోగమింకొక వైపు
అవినీతి బంధుప్రీతి చీకటి బజారూ
అలముకొన్న నీ దేశం ఎటు దిగజారు
కాంచవోయి నేటి దుస్థితి
ఎదిరించవోయి ఈ పరిస్థితీ ఈ ఈ

పదవీ వ్యామోహాలు కులమత భేదాలు
భాషా ద్వేషాలు చెలరేగె నేడు
ప్రతి మనిషి మరియొకని దోచుకొనె వాడే
తన సౌఖ్యం తన భాగ్యం చూచుకొనె వాడే

స్వార్ధమీ అనర్ధకారణం
అది చంపుకొనుట క్షేమదాయకం మ్ మ్ మ్ మ్

సమ సమాజ నిర్మాణమే నీ ధ్యేయం నీ ధ్యేయం
సకల జనుల సౌభాగ్యమె నీ లక్ష్యం నీ లక్ష్యం
సమ సమాజ నిర్మాణమే నీ ధ్యేయం
సకల జనుల సౌభాగ్యమె నీ లక్ష్యం
ఏక దీక్షతో గమ్యం చేరిన నాడే
లోకానికి మన భారతదేశం అందించునులె శుభసందేశం

లోకానికి మన భారతదేశం
అందించునులె శుభ సందేశం

లోకానికి మన భారతదేశం
అందించునులె శుభ సందేశం