శ్వేతాంబరం...(నా అక్షరాలు..నిర్మలాకాశంలో స్వేచ్ఛగా ఎగిరే విహంగాలు)

28.2.14

హృదయం కరుడుగట్టింది -- నీ చూపు సోకక

హృదయం కరుడుగట్టింది -- నీ చూపు సోకక......శ్వేత -- 28-2-14

గండుతుమ్మెద పుష్పాలని తాకితే --- నీ చెక్కిలికెందుకో అంత సిగ్గు.

గండుతుమ్మెద పుష్పాలని తాకితే --- నీ చెక్కిలికెందుకో అంత సిగ్గు....... శ్వేత --28-2-14

పాము పడగపై మణిని తలపిస్తున్నాయి -- నీవాల్జెడలోని మల్లెలు

పాము పడగపై మణిని తలపిస్తున్నాయి -- నీవాల్జెడలోని మల్లెలు.....శ్వేత -- 28-2-14

ఎడారిలో చిరుజల్లు కురిసినట్లుంది -- నీ పలకరింపుతో పులకించిన నా మదికి.

ఎడారిలో చిరుజల్లు కురిసినట్లుంది -- నీ పలకరింపుతో పులకించిన నా మదికి.....శ్వేత -- 28-2-14

Art By.... Shantidas

అలసిపోతున్నా -- నీ జ్ఞాపకాల మూటలను మోయలేక.

అలసిపోతున్నా -- నీ జ్ఞాపకాల మూటలను మోయలేక..... శ్వేత -- 28-2-14

వస్తానన్న నన్ను వద్దని -- వెన్నెల్లో నిలబడి చంద్రుణ్ణి పిలుస్తావా ?.

వస్తానన్న నన్ను వద్దని -- వెన్నెల్లో నిలబడి చంద్రుణ్ణి పిలుస్తావా ?..... శ్వేత -- 28-2-14

ప్రకృతి రంగుల చీర సింగారించి ఎదురుచూస్తోంది --- వసంతుని రాకకై.

ప్రకృతి రంగుల చీర సింగారించి ఎదురుచూస్తోంది --- వసంతుని రాకకై......శ్వేత -- 28-2-14

ఎన్నేళ్ళు ప్రవహించినా జలపాతాలెండవు -- ఎన్నాళ్ళు తలచినా నీజ్ఞాపకాలాగవు.

ఎన్నేళ్ళు ప్రవహించినా జలపాతాలెండవు -- ఎన్నాళ్ళు తలచినా నీజ్ఞాపకాలాగవు......శ్వేత -- 28-2-14

అమావాస్యనాడు వెన్నెలేమిటా అనుకున్నా - నీ నవ్వుల వెలుగులని గుర్తించలేకపోయాను

అమావాస్యనాడు వెన్నెలేమిటా అనుకున్నా - అది నీ నవ్వులవని గుర్తించలేదు..... శ్వేత -- 28-2-14

ప్రకృతికెంత బద్దకమో -- పొద్దెక్కినా మంచుదుప్పట్లోంచి బయటకు రానంటోంది

ప్రకృతికెంత బద్దకమో -- పొద్దెక్కినా మంచుదుప్పటిని వీడి బయటకు రానంటోంది..... శ్వేత - 28-2-14

Water Games......Our Sweet Memories

శ్వేత .... సిగ్గేల బాల

శ్వేత .... సిగ్గేల బాల

వెన్నెలమ్మ ముంగిట్లో
ఆరుబయట వాకిట్లో

జాజిపందిరి నీడలోన
జావళీలు వింటుంటూ

కళ్ళుకళ్ళు కలుపుకుంటూ
ఊసులెన్నో చెప్పుకుంటూ

అర్థనారీశ్వర మయ్యేవేళ
అర్థంలేని ఈ సిగ్గేలే బాలా !

మీరు శివరాత్రి ఎలా జరుపుకున్నారు?

నేనైతే శివరాత్రి రోజు ఉదయాన్నే లేచి, తలస్నానం చేసి, దేవాలయానికి వెళ్ళి, దర్శనం చేసుకొని, చుట్టుపక్కల ఉన్నవాళ్ళతో కాసేపు దైవసంబంధమైన విషయాలు చర్చించుకుంటాము. తరవాత పెద్దవాళ్ళం అంతా కలసి మావీధిలో ఉన్న పిల్లలని అందరిని ఒకదగ్గరకు చేర్చి, మేము చిన్నప్పుడు ఆడుకున్న రకరకాల ఆటలు నేర్పించి, ఆడిస్తాము. ఇక రాత్రి అయ్యింది అంటే, వీధిలో ఉన్న ఆడవాళ్ళం అందరం ఒక దగ్గర చేరి, ఉప్పులకుప్ప, కుంటాట, పరుగుపందాలు, ఖోఖో, షటిల్, రింగ్ టెన్నిస్, ఒకటేమిటి..... చిన్నప్పుడు మేం ఏమేమి ఆటలు ఆడేవాళ్ళమో, అవన్నీ ఆడుకుంటాము. ఆ ఆటలు ఆడుకుంటూ ఉంటే, మళ్ళీ మా చిన్నతనం గుర్తుకువస్తుంది. ఆటలు ఆడి - ఆడి అలసిపోయిన తరవాత, ఇంట్లో కూర్చొని ఆటలు ఆడుకుంటాం. అష్టాచెమ్మా, పులి - మేక, వైకుంఠపాళీ, దాడీ ఆట, హౌసీ మొదలైన ఆటలు పిల్ల, పెద్ద, ముసలివాళ్ళు అందరం కలసి తెల్లారేవరకు ఆడుకుంటాం. జన్మకో శివరాత్రి అని అంటారు కదా! అలాగ మాకు ఏడాదికి ఒకసారి ఈ శివరాత్రి ఆనందం. మరి మీరు ఈశివరాత్రి రోజున ఎలా గడుపుతారో చెప్పండి.......