శ్వేతాంబరం...(నా అక్షరాలు..నిర్మలాకాశంలో స్వేచ్ఛగా ఎగిరే విహంగాలు)

20.10.13

తలలో పూచెండు జారిపడింది ___ నీవు తలపుకు రాగానే

తలలో పూచెండు జారిపడింది ___ నీవు తలపుకు రాగానే --- శ్వేత- 20 -10 -13

తొలకరిజల్లు కురిసింది నా మదిలో ....... నీ తొలిపరిచయంలో

తొలకరిజల్లు కురిసింది నా మదిలో ....... నీ తొలిపరిచయంలో
మది మారాకువేసింది ...... నీ మలిపరిచయంతో

కేరింతల, తుళ్ళింతలతో తరాల సయ్యాటలు____ వెన్నెలమ్మ వాకిట్లో

శ్వేత....... చిన్నారి చిట్టెమ్మ

శ్వేత....... చిన్నారి చిట్టెమ్మ

చిన్నారి చిట్టెమ్మ
గారాలు పోకమ్మ

మారాము ఆపవమ్మ
కావాలా నీకు బొమ్మ

ఇస్తుందిలే నీకు అమ్మ
ఆడిస్తుందిలే నిన్ను అమ్మమ్మ

తాయిలమిస్తుందిలే నీకు తాతమ్మ
ఉన్నాను నీకు దోస్త్ గా నేనమ్మ
మనమాడుకుందాములే రావే చెల్లమ్మ .... 20 Oct 2013

శ్వేత..... తీరమెక్కడ

శ్వేత..... తీరమెక్కడ

ఆశన్నది చావదు మనిషికి
మరుపన్నది లేదు మనసుకి

కునుకన్నది లేదు కంటికి
సుఖమన్నది లేదు బ్రతుకుకి

ఈ పయనం సాగేదెక్కడికి
జీవనతీరం చేరేదెన్నటికి

ఎన్నాళ్ళు గడపాలిలా
ఎన్నేళ్ళు బ్రతకాలిలా ..... 20 Oct 2013

తుంటరి చూపుల చిన్నది

శ్వేత ........ తుంటరి చూపుల చిన్నది

నీ తుంటరి చూపులతో నన్నల్లరిపెట్టకు

నీ సొగసైన వగలు చూపి నన్నల్లుకుంటూ

గడసరి మాటలతో (గ)మత్తెక్కించి

అల్లరి ఆటలతో ఆకట్టుకుంటూ

ఓ సుందరీ ! ఒంటరినైన నను వేధించి

మదిలో మంటలు రేపకు 20 Oct 2013

చీరలని డ్రై వాష్ మరియు పెట్రో వాష్ చేయటం ఎలాగ ??

చీరలని డ్రై వాష్ మరియు పెట్రో వాష్ చేయటం ఎలాగ ?? ...... అనే అంశాలను మనం తెలుసుకుందాం.

(1) డ్రై వాష్

కావలసిన మెటీరియల్

సోప్ ఆయిల్
వైట్ పెట్రోల్
వెనిగర్
సెంట్
రాళ్ళ ఉప్పు (కల్లుప్పు)

చీరని ఉతికే విధానం:--

ఒక చీరని ఉతుకుటకు ..... 2 లీటర్ల నీరు + 2 స్పూన్స్ సోప్ ఆయిల్ + 2 స్పూన్స్ పెట్రో ఆయిల్ + 2 స్పూన్స్ సర్ఫ్ వేసి బాగా కలపాలి. చీరని ఫాల్ ఉన్నవైపు కుచ్చిళ్ళు పెట్టి, ఫాలు వైపు భాగం మన చేతిలో ఉంచుకొని, చీరని నీటిలో చాలా ఫోర్సుగా 3 సార్లు ముంచి తీయాలి. తరవాత చీర ఫాలుని కూడా ముంచి తీయాలి. ఇప్పుడు చీరని జాడించటానికి ఒక బకెట్లో సగానికి నీరు తీసుకొని, ఆ నీటిలో రాళ్ళ ఉప్పు (కల్లుప్పు ) వేసి రెండుసార్లు జాడించుకోవాలి . మూడోసారి జాడించేటప్పుడు 2స్పూన్స్ వెనిగర్ + 1డ్రాప్ సెంట్ (any flavour sent) వేసి జాడించి చీరని పిండకుండా ఒక మెత్తటి తువ్వాలులో చుట్టి ఉంచాలి. నీరు అంతా పోయిన తరవాత ఎండ తగలని ప్రదేశంలో ఆరబెట్టాలి.

చీర ఒకరంగు, బోర్డర్ వేరే రంగు ఉన్న చీరలని, లైట్ కలర్ రంగుని ముందుగా సర్ఫ్ లో ముంచి తీసాక ... ముదురు రంగు భాగాన్ని సర్ఫ్ లో ముంచుకోవాలి.

(2) పెట్రో వాష్

కావలసిన మెటీరియల్

వైట్ పెట్రోల్ (1 లీటరు సుమారుగా Rs 90/ ఉండవచ్చును )
నీరు

ఈ పెట్రో వాష్ ..... ఎక్కువ ఖరీదైన చీరలు, వర్క్ శారీస్ .... మరియు పట్టుచీరలు & పట్టు పంచెలు ఉతుకుటకు ఉపయోగించాలి.
ఒక చీరని ఉతుకుటకు రెండు లీటర్ల నీరు +  ఒక లీటరు వైట్ పెట్రోలు ఒక బకెట్ లో వేసి బాగా కలిపి, చీరని చాలా ఫోర్సు గా 3 సార్లు నీటిలో ముంచి తీయాలి.... వైట్ పెట్రోల్ కెమికల్ కాబట్టి చీరని ఎక్కువ సేపు నీటిలో ఉండనివ్వకూడదు. చీర పాడయ్యే ప్రమాదం ఉంది. ఇప్పుడు ఈ చీరని నీటిలో జాడించవలసిన పనిలేదు.

వన్నె తగ్గిన చీరలని ఈ పెట్రో వాష్ లో ఉతికితే.... మళ్ళీ సరికొత్త చీరలాగ కనిపిస్తుంది. జరీ అంచులు మెరుస్తూ కనిపిస్తాయి. వర్క్ చీరలకి ఉండే కుందన్స్ , పూసలు వంటివి ఊడిపొకుండా, పాడవకుండా ఉంటాయి.

అమ్మ చిరునామా

<3 ప్రేమ, త్యాగం, సహనం, బాధ్యత అనే నాలుగు స్తంభాలతో నిర్మించిన దేవాలయమే అమ్మ <3

19.10.13

నన్నెందుకు (ఎ)మార్చేవు

శ్వేత.....నన్నెందుకు (ఎ)మార్చేవు

ఈ ఉషోదయాన్న
ఆ తుషార వీచికల్లో

నీ నిషా కన్నులతో
మిష నాకు చూపి

కాషాయరంగు చీరతో
వేషాన్ని మించిన వన్నెతో

త్రిషలా, ప్రత్యూషలా, సింధూషలా,
ఒక్కోమారు ఒక్కోలా కనిపించి,

నిషాలో నన్ను ముంచి
హమేషా తమాషా చూపించి

ఈ విశాల ప్రపంచంలో
నా హుషారైన జీవితంలో
అశాంతిని నింపి
విషాదాన్ని మిగిల్చావు......19 Oct 2013